日前，內地男星王寶強喺微博發表離婚聲明，大爆自己老婆馬蓉同經理人宋喆有不正當嘅婚外情，仲話馬蓉涉嫌隱藏及轉移夫妻共同財產，引嚟大批網民熱烈討論。有傳王寶強發現馬蓉同宋喆嘅奸情後，曾帶兒子去做親自鑑定，之後網上更瘋傳疑似王寶強當場捉姦嘅影片，但後來被證實係假消息。噚日，王寶強喺律師陪同下，前往北京朝陽法院正式申請同馬蓉離婚。
王寶強喺律師陪同下，前往法院正式申請同馬蓉離婚。
噚日，王寶強著住T恤，戴住藍色棒球帽，臉色十分憔悴，佢喺律師陪同下現身朝陽法院。王寶強除咗向法院申請離婚外，同時要求擁有兩個仔女嘅撫養權，夫妻兩人依法分割共同財產，但馬蓉要支付仔女扶養費，直到年滿18歲為止。法院經審查符合立案條件，已正式受理案件。據了解，王寶強要求分割嘅財產包括多套房產、多間公司股權、存款、股票、多輛名車及大量名牌珠寶首飾等。
王寶強老婆馬蓉同經理人有不正當婚外情，引嚟網民熱烈討論。
章子怡汪峰結束八年婚姻
李靚蕾澄清離婚官司冇錢落袋
北京法院判給女方60%財產
狠夫僅被拘留十天罰400引眾怒
李玟婚姻悲劇吐心聲
布雷迪與超模妻子離婚
史泰龍老婆突主動提出離婚
推出養心殿數字主題體驗展
開幕舉行「 5KM 城市體驗跑」
意式宮殿酒店首度落戶亞洲
韋禮安下月上葡京舉行音樂會
「BOOM！怪物星人」唱到香港
下載APP