內地男星王寶強同馬蓉嘅離婚風波成為全城熱話。噚日，事件又有新進展，有網民爆出王寶強工作室嘅營業執照遺失，就連公司蓋章、財務章同法人章都唔見埋，令唔少人懷疑係被馬蓉拎走。而另一邊廂，馬蓉方面就反指婚內出軌嘅其實係王寶強，並公開對方同一名女子嘅偷食證據，仲話王寶強嘅銀行戶口明明有錢，但就故意借錢打官司，暗指佢扮窮打「同情牌」。
有傳王寶強工作室嘅營業執照遺失，令人懷疑係被馬蓉拎走。
對於被指同宋喆聯手轉移王寶強公司財產，馬蓉話自己係透過王寶強認識宋喆，強調兩人並無不正當關係，仲話王寶強嘅銀行賬戶明明有190萬人民幣，但就借錢畀訴訟費，疑似搏同情。對此，王寶強身邊嘅友人出面證實王寶強曾喺律師陪同下，前往多間銀行親自查看帳戶餘額，但發現名下金額只剩十幾萬人民幣。雖然馬蓉否認同宋喆有染，但有網民曾目擊佢哋喺設計公司商量裝修愛巢，而且兩人微博亦關注同一裝修公司專頁。
馬蓉反指婚內出軌嘅係王寶強，並公開對方嘅偷食證據。
下載APP