同雲狄素鬧不和

荷里活男星狄維莊遜（DwayneJohnson），早前突然喺Instagram 發火，大罵《狂野時速8》嘅男拍檔唔專業。雖然冇指名道姓，但好快被爆出佢唔妥嘅係身兼演員同監製嘅雲狄素（Vin Diesel）。雖然電影已順利煞科，但兩人仍未收火。日前，雲狄素貼出一張《狂野時速》系列嘅相，仲寫住包含「朋友」嘅字句，但相入面只有Tyrese Gibson、米雪洛迪古絲同已故男星保羅獲加，唯獨冇狄維莊遜。

狄維莊遜同雲狄素因拍攝《狂野時速8》而不和。

雲狄素貼完相後，又輪到狄維莊遜發功，佢喺Instagram發文感謝導演F. GaryGray、電影公司，同埋一班日以繼夜拍攝嘅演員，當中包括：名導演奇連伊士活兒子ScottEastwood、Nathalie Emmanuel同TyreseGibson，但就對雲狄素隻字不提。兩個大隻佬不和到出晒面，有網民認為佢哋作為演員唔夠專業，亦有唔少粉絲擔心兩人不和會影響到《狂野時速8》上映。

雲狄素貼相，獨欠狄維莊遜一人。