許志安與黃心穎爆出偷食醜聞後,至今仍被無綫雪藏,復出無期。(黃心穎IG圖片)
有指《堅離地愛堅離地》是黃心穎的告別作,之後還能否見到她在幕前演出要視乎觀眾反應。(《堅離地愛堅離地》劇照)
馬國明跟黃心穎分手後,與湯洛雯愛得火熱。(湯洛雯 IG圖片)
曾備受TVB力捧的黃心穎,前年背住當時的男友馬國明搭上人夫許志安,事件曝光後即被無綫雪藏至今。早前曾傳TVB見心穎的形象未有起色,有意與她解約,但近日又有指TVB沒打算「放生」心穎,令跟TVB仍有八年長約的心穎被綁死。今日(19日),無綫高層樂易玲出席開幕禮,有記者問她最近有沒有跟黃心穎聯絡?她坦言一直都有和對方保持聯絡,上周二人還相約一起食早餐。問到心穎當下心情如何?她表示:「都OK㗎!咁耐冇見食吓早餐、傾吓偈、關心吓佢,覺得佢開心嘅,有好多朋友關心,佢話有做運動,見到佢都好Fit。」
樂易玲同時大爆原來心穎曾經提出過有回歸幕前的意向,她表示:「今次佢真係有講,大家商量吓,佢咁後生,諗吓將來有啲咩機會。(繼續在娛圈發展?)大家冇深入去傾呢件事,唔想畀壓力佢,反而嗰日食到臨尾我都有問佢有咩打算、考慮留抑或離開,我唔係講緊TVB,我係講香港、娛樂圈,佢都話會返去認真諗吓。」問到有沒有給對方更多意見?她續說心穎至今仍是TVB藝員,雙方簽下長合約,若然心穎決定離開亦要跟公司處理合約問題:「希望佢唔係意氣用事,之後會再約佢。」她還指心穎仍有人工未拿回,下次見她會給對方。
對於心穎跟TVB綁死八年長約,樂易玲代對方回應:「當時佢係公司力捧嘅一批花旦之一,都簽咗好耐,冇數過幾多年,但一定唔會少過嗰個數(指八年)。 (如果佢要走就賠錢?)唔會,我覺得唔係錢嘅問題,佢又唔係跳槽。」問到心穎決定留低的話,公司會否給她「翻生」機會?她就未有正面回答:「呢啲唔係咁主觀佢話想就想,都要睇佢出嚟其他人會唔會接受,唔接受又冇理由行出嚟畀人講。」(編輯:黎永樂)