即將開拍美劇

大導演馬田史高西斯（MartinScorsese）於2006年將經典港產片《無間道》，翻拍成荷里活電影《無間道風雲》，除咗影帝級人馬里安納度狄卡比奧（Leonardo DiCaprio）同麥迪文（MattDamon），分別飾演梁朝偉同埋劉德華嘅角色之外，積尼高遜（Jack Nicholson）、麥克華堡（Mark Wahlberg）都有參與演出。該片製作費高達澳門幣7.2億，曾橫掃奧斯卡「金像獎」四項大獎，成為荷里活經典電影之一。

《無間道風雲》曾橫掃奧斯卡「金像獎」四項大獎。

繼早前香港電影公司籌備拍攝《無間道》電視劇版後，噚日Amazon同華納兄弟亦宣布將《無間道風雲》拍成電視劇，並搵嚟美劇《Detroit 1-8-7 》主創Jason Richman擔任編劇。電視劇版將改為芝加哥作為故事背景，講述一名年輕警察滲入拉丁毒販嘅幫派做臥底，與此同時，幫派亦派出一名成員加入警隊，兩人將延續黑白兩道嘅鬥智鬥力同矛盾精髓。至於萬眾期待嘅主角人選，製作公司暫時就未有公布喎！

《無間道》係無數影迷心目中嘅經典電影之一。