城市人工作繁忙，未必請到長假去遠途旅行，如果想感受外國氣氛，都唔一定要長途跋涉嘅。彼鄰的台灣，就有多姿多彩嘅選擇，單是一個台東，已經有各種餐廳和度假村，善用本土盛產的新鮮食材，烹調出令人耳目一新的創意fusion菜。無論想食意大利Pizza，還是西式燭光晚餐，都完全無難度。甚至在上機之前，就可以率先預訂飛機餐的菜式選擇，提早暖胃熱身，緊係令人未出發，先肚餓啦！
台東有連綿山脈，又毗鄰太平洋，勝在物產豐富。千祈咪以為這裡是窮鄉僻壤，來到池上鄉大埔村陸安，就有個好特別的地方。綠草叢邊搭一個闊鐵棚，棚內有木牌刻住「窯滾吧！部落」，一睇以為係有年輕人在此開了個Pizza工作坊，點知走出來的，竟然是一對阿公阿嬤！
阿公阿嬤潮辦的「窯滾吧！部落」，讓一大班人在大自然裡自製Pizza、自製歡樂。（李寶瑜攝）
阿嬤窯烤慢食Pizza
為何會搭個棚教人整Pizza ？潮阿嬤話，因為城鄉差別大，即使村內小孩想吃Pizza也不易買到，所以她和社區媽媽們就一起將這裡變成阿美族的「部落廚房」，讓大家體驗到不一樣的飲食模式。去年8月開業，這裡作為社區產業，她希望可以將收入用來持續舉辦每月一次的免費老人聚餐，讓老人聚首一堂，有所寄託。
潮阿嬤一腔熱誠，眼下所見的窯爐和Pizza做法，都是她和阿公從網上搜尋鑽研得來的，還開設了Facebook專頁「窯滾吧！部落」，以吸引客人。但這裡並非賣現成Pizza，相反客人都要自己落手落腳整，體驗慢食，有時還會有導師開班教整麵包，好玩又熱鬧。
連Pizza麵團都好有本地特色，用上「甜酒釀」長時間發酵，烤出來的Pizza邊特別煙韌香口。餡料可以任意加入煙肉、蘑菇、番茄等，秘密材料係本地香椿山豬肉，再鋪上厚厚芝士，放進超過250°C的窯爐烤約15分鐘即可，還可以任你食到飽！最驚喜係甜品香蕉朱古力芝士Pizza，一出爐即被搶清。還有鮮摘野菜煮成的「八菜一湯」，味帶甘涼，不過潮阿嬤話，食Pizza當然要飲沙士可樂加冰至夠爽！
Pizza麵團用本地的「甜酒釀」發酵而成，每個人擀麵團的手勢、下的配料都不同，所以味道都獨一無二。
自家Pizza入窯即烤，不用半小時就可出爐，材料豐富到令人口水直流啊。
熱辣辣香蕉朱古力芝士Pizza，淋上朱古力醬，鹹甜交織，驚喜之作！（ 相關機構圖片）
潮阿嬤一邊摘野菜一邊講解野菜種類，有得食又有得上自然課。
實用資料
簽證： 持有效特區護照可停留90天（可上網免費預辦簽證，或付TWD300辦落地簽證）
貨幣： MOP 1約兌TWD4
氣溫： 夏季溫度約24℃至31℃
電壓： 110V（兩腳扁型插）
交通： 乘坐飛機到高雄，再於高雄轉乘約三小時火車到台東，在池上火車站下車。記得提早聯絡相關機構安排當地交通。
網址： http://twtraffic.tra.gov.tw/twrail
Info
窯滾吧！部落
地址：台東縣池上鄉大埔村陸安23-1號
知本老爺酒店同場加映
下載APP