加拿大樂壇小天王 Justin Bieber去年推出嘅大碟《Purpose》大受歡迎，幫佢創下多達八項健力士世界紀錄。當中包括歌曲〈What Do You Mean〉成為音樂串流網站「Spotify」一周內最多人串流嘅音樂；而大碟《Purpose》亦成為一周內最多人串流嘅唱片。此外，Justin Bieber亦成為Twitter最多粉絲追蹤嘅名人以及YouTube最多人觀看同訂閱嘅音樂人等。
Justin Bieber去年推出大碟，令佢創下八項健力士世界紀錄。
日前，Justin Bieber於紐約麥迪遜廣場花園舉行巡迴演唱會，健力士代表親自到場向佢頒發證書。而另一男歌手The Weekend亦獲得兩項認證，包括新碟《Beauty Behind the Madness》成為一年內最高串流量大碟。至於電影方面，就由《星球大戰：原力覺醒》包辦最快破五億美元票房電影、最高周末票房及YouTube最高點擊率預告片等三項紀錄。
《星球大戰：原力覺醒》去年上映時稱霸美國票房，創下三項紀錄。
下載APP