韓國男團EXO前中國籍成員吳亦凡（Kris），同前經理人公司SM娛樂傾掂解約後，名正言順喺內地發展，人氣高企。雖然早前佢爆出約炮、床照等風波，但粉絲都依然力撑偶像。不過，近日Kris再次惹是非，佢先被內地《人民日報》點名批評演技差，之後又有圈內人於微博爆料，指Kris兩年內內換咗成十個經理人團隊，暗指佢認真麻煩難搞。
吳亦凡被指兩年內換咗成十個經理人團隊，認真麻煩難搞。
日前，內地知名經理人曾鵬宇喺微博爆料，話一名剛回內地發展嘅「小鮮肉」又撤換經理人團隊，佢話：「兩年內第十個經理人團隊被炒，也算是前所未聞的業界奇觀。」消息曝光後，不少網民將矛頭直指Kris。雖然EXO另外兩位中國籍成員鹿晗同黃子韜亦都有可能，但有網民指鹿晗回國後未換過經理人團隊，而黃子韜就一向都係由爸爸幫佢處理事務，所以外界都猜測曾鵬宇所講嘅係Kris。
網民覺得曾鵬宇所講嘅「小鮮肉」並非鹿晗（左）及黃子韜。
下載APP