MIRROR開騷前在會場切燒豬，期望一連六場演唱會順順利利。（MIRROR Facebook圖片）
現場鏡粉眾多，據知賣紀念品的攤位已打晒蛇餅！（盧瀚霆IG截圖）
自爆日前排舞時暈倒的姜濤（右）開騷前表現精神，相信落力跳勁舞前已經食飽飽！（姜濤IG截圖）
ViuTV《全民造星》出身的人氣男團MIRROR一連六場《MIRROR "ONE & ALL" LIVE 2021》今晚（6日）在香港九展開鑼，今次開騷主將姜濤（姜B）一早已表明勁大壓力，不過開騷前12子踏上舞台作最後排練時，有份到現場觀賞綵排的梁祖堯，已率先透露演唱會非常精彩，全無冷場，更建議入場觀眾勿飲太多水，避免去廁所而錯失精彩演出，成員亦在開騷前在社交網上載切燒豬拜神相，並表示：「今次係MIRROR成軍第二次演唱會，知道鏡粉期待咗好耐，我哋每一位MIRROR成員都係！嚟緊幾日我哋@mirror.weare成員會輪流互相打氣。」
去到首場正式開騷一刻，MIRROR以銀黑戰士Look登場，帶來精彩的勁歌熱舞，全員打頭陣跳唱《ASAP》和《Warrior》，現場尖叫聲不斷！而先前自爆日前排舞期間暈倒的姜B跳舞時也十分精神，相信他開騷前已和成員們食飽飽！（編輯：黎永樂）
下載APP