潮流興相機食先，就連傳統點心都要轉個形象至夠入流。文華東方酒店深明此道，趁中秋檔期將象徵月亮的「玉兔」化身成蝦餃、蓮蓉包和棉花糖，維肖維妙的賣相加上酒店級的味道，名副其實內外兼備！
嫦娥小精靈 MOP 55 棉花糖表面鋪滿椰絲，口感軟綿，小朋友實鍾意！
賓尼餃 MOP 60餡料除蝦肉外，亦加入蟹肉提鮮，一口一隻，過癮！
寵物包 MOP 55 鬆軟綿密的包內有微甜的蓮蓉餡，趁熱食夠軟熟。
其實「象形」點心不是新鮮事，金魚餃和箭豬包都是頭號代表。不過要做到好睇又好食，點心師傅在揣摩模仿對象的同時，既要考慮食材的運用和配搭，又要掌握成品的觀賞度，非常考手藝。「御苑餐廳」最近一口氣推出的三款點心當中，以精緻可愛的「賓尼餃」最得人歡心，「兔皮」晶瑩剔透，內餡除有彈牙蝦肉，還有木耳和紅蘿蔔粒，口感超豐富。除此之外，酒店大堂的餅房亦推出「玉兔芝士蛋糕」，以一大一細的球狀Cheesecake砌成白兔形狀，「兔身」藏有杧果夾心，入口酸中帶甜，又特別以白朱古力做成「兔耳」和「兔眼」，造型生動有趣，Cute到唔捨得食！
玉兔芝士蛋糕 MOP 55Cheese cake內藏杧果夾心，甜而不膩，配合Cute爆造型，買嚟Home party一流。 （李國星攝）
Info
日期：即日起至10月10日
二星廚房 招牌菜迎中秋
中秋節是象徵一家團圓的節日，想冧掂家中老一輩，選擇傳統中菜必然是「安全牌」。奪得米芝蓮二星殊榮的「譽瓏軒」就於中秋當晚推出由名廚譚國鋒親自主理的精選套餐，囊括「官燕鷓鴣羹」、「花雕蛋白蒸法國藍龍蝦」、「海參鮑魚燜雞」等餐廳招牌菜，另外，餐後更會追加奶黃月餅，增添節日氣氛。
中秋菜單以多款時令貴價食材炮製，包括官燕及法國藍龍蝦等。 （相關機構圖片）
Info
日期：9月15日
價錢：MOP 4,800/四位
下載APP