「2D」李思捷WFH做主持

由李思捷主持及監製的遊戲節目《思家大戰》，轉眼來到第一季最後衝刺階段，日前一眾嘉賓為最後三集進行錄影，但思捷並沒有現真身，由本周日（3 日）起節目全場只有一個屏幕顯示器被推來推去，相當「經典」。

原來思捷有見近日疫情嚴重，已足不出戶多時，製作組遂想出「WFH 隔空主持」，透過一比一屏幕顯示器、讓「2D 思捷」在家中仍能與現場嘉賓互動。及後「2D 思捷」接受無綫娛樂新聞台訪問，笑言以這種嶄新方法現身反令顏值大增：「因為屋企有長期病患長者，主要想保護番佢哋，又冇理由突然停咗個節目，咁依家好似 AI 公仔咁走嚟走去，都過癮呀，只不過我係平面咗少少啫，分分鐘靚仔過真人啦。」

而成就「2D 思捷」滿場飛的幕後功臣則是游莨維（一蚊 Joe），為了幫助思捷行走自如， Joe 不但早於一星期前已在思捷指導下夾好所有走位，更笑言為了「落點」精準、專誠練大隻：「因為塊嘢不能夠太輕，會好易反嘅，所以下面加咗兩大個沙包，足足有成個思捷咁重，所以推時要少少技巧，同埋好難推啱位。」 （編輯：游子欣）

「扁平」版李思捷繼續做節目主持工作。

李思捷 WFH 形象令嘉賓位位爭相獵奇，要與「他」合照。

有一蚊 Joe協助做「幕後推手」，李思捷才能揮灑自如。