今年8月，內地男星王寶強自爆老婆馬蓉偷食經理人宋喆，並提出離婚訴訟。隨後，馬蓉反告王寶強侵犯其名譽。王寶強提出嘅離婚官司將於今天（18日）下午1時開庭，馬蓉提出嘅名譽訴訟就喺下午4時開庭，兩單案件同日開庭，相當少見。王寶強代表律師張起淮聲稱已掌握馬蓉出軌、轉移財產嘅證據，仲話王寶強會親自出庭交代始末，而馬蓉則向法院申請不出庭及不公開審理。
王寶強聲稱已掌握馬蓉出軌、轉走財產嘅種種證據。
噚日，王寶強代表律師張起淮接受內地媒體訪問，話王寶強當初無意中發現馬蓉手機，拎起一睇，見到佢同宋喆嘅聊天內容相當不堪，加上發現銀行卡上嘅錢被轉移，所以即刻搵律師處理。張起淮話一開始王寶強只想私下協議離婚，但馬蓉威脅話：「你敢發聲明，我會讓你身敗名裂一無所有。」令王寶強嬲爆公開婚變，並解除馬蓉嘅婚姻關係及宋喆嘅經理人職務。
馬蓉被爆曾放話威脅王寶強，令對方嬲爆公開婚變。
下載APP