台灣女子組合S.H.E成員陳嘉樺（Ella），在2012年同圈外男友賴斯翔結婚，婚後Ella一直以事業為重。日前，有台灣媒體大爆Ella同老公「造人」成功。報道話Ella早前同一個烈酒品牌接洽傾代言，但最後突然變卦，原因係Ella發現自己有咗BB，擔心廣告曝光後，同孕婦形象唔夾。報道話Ella 而家只剩一個內地唱歌節目，嚟緊就可以放心安胎！
Ella傳出懷孕嘅喜訊，令唔少粉絲都戥佢開心。
Ella同老公賴斯翔結婚四年，兩人一直表現恩愛，更經常喺社交網站放閃，Ella亦多次公開講：「很想生小孩。」不過，佢哋嘅「造人」計劃就因為Ella出碟、演舞台劇、拍綜藝節目等工作，一直延後。今次Ella傳出懷孕嘅喜訊，令唔少粉絲都戥佢開心。對此，Ella嘅唱片公司出面回應：「謝謝大家關心。有甚麼好消息，時間到了一定會跟大家分享。」睇嚟應該係未夠三個月，未可以公布喎！
Ella同老公賴斯翔結婚四年，兩人經常喺社交網站放閃。
下載APP