欣宜首個《女神有問題演唱會》喺香港九展StarHall舉行，除咗爸爸鄭少秋外，還有多位圈中人紛紛到場支持，包括： 仙姐、陳淑芬、許廷鏗、黃偉文、蕭定一等，而容祖兒（Joey）就擔任首場演出嘉賓。Joey話自己多年前出席加拿大慈善演出時認識欣宜，當時睇到肥姐需要坐輪椅，而欣宜就喺上機時為肥姐安排好一切，非常有孝心。
擔任首場演出嘉賓嘅容祖兒，同欣宜喺台上親吻。
大讚欣宜嘅Joey仲話：「佢（欣宜）同我一樣孝順，而另一個同我相似嘅地方，就係我同欣宜都唔係『大眾第一眼』，尤其唔會令男人吞口水，通常都係反白眼。我就係因為知道呢個事實， 所以就同自己講， 要做到人哋聽到我聲音就會鍾意我！」其後，欣宜因過度興奮而激吻Joey，之後Joey就勁甜咁同欣宜講：「期待你喺紅館開演唱會！」
欣宜因緊張、興奮、感觸，先後喊咗九次！
下載APP