日前，內地女星范冰冰同導演馮小剛喺武漢一間大學舉行活動，宣傳新戲《我不是潘金蓮》。喺活動期間，司儀突然話因為特殊情況，要范冰冰先行離開，如果唔係就會熄燈，搞到范冰冰含淚離場。馮小剛亦明顯好不滿范冰冰被威脅離場，佢話：「這是我拍電影有生以來，頭一次見到這種事，讓我對武漢留下了不可磨滅的印象，謝謝大家！」之後就提前結束咗個活動。
范冰冰宣傳新戲期間，被大會以熄燈威脅離場。
據了解，范冰冰同馮小剛舉行活動當晚，適逢中央高官到大學巡查，學校方面驚啲學生掛住睇范冰冰而「冷落」京官，所以先會威脅佢離場。范冰冰入場十分鐘就被趕走，令台下學生一度起哄。事後，電影公司出面解釋，話因為到場嘅學生超過保安控制範圍，所以先請走范冰冰。而范冰冰亦於微博貼出自拍照安撫粉絲，佢話：「沒事，都挺好的！都不容易！我也快到家了！」
馮小剛不滿范冰冰被趕走，提前結束咗個活動。
范冰冰十指緊扣馬斯克母親好老友
溶妝施嘉莉祖安遜紋身搶鏡
米高德格拉斯奪獎星二代搶鏡
米高德格拉斯20歲女兒搶盡鏡頭
范冰冰突現身網紅直播間
范冰冰新歡曾當軍官18年
范冰冰新歡被起底大有來頭
范冰冰唔賣性感同樣驚艷
澳門樂團《致敬拉赫曼尼諾夫》下周六上演
打造自然科學趣味派對
限定商品減價再九折
新濠影滙戶外水世界周末重開
澳門5月演唱會將破世界紀錄
下載APP