現年30歲嘅內地女星張雨綺，喺2008年演出周星馳執導嘅《長江7號》一炮而紅，佢喺2011年同內地導演王全安結婚。王全安於2014年被爆嫖妓被捕，隨後兩人宣布離婚。噚日，張雨綺透過工作室微博宣布再婚，佢同內地富商男友相識十天就相戀，拍拖70日即結婚。張雨綺話：「這是一段恰到好處的相遇，相信愛的人會一直得到命運的眷顧。」
張雨綺喺微博宣布閃婚，令一班網民又驚又喜。
據內地媒體報道，張雨綺喺本月月初被拍到同一名神秘男現身上海機場，隨後兩人甜蜜逛超市，仲約埋一齊睇豪宅，疑似計劃築愛巢。有指呢名神秘男係上海一名袁姓大老闆，當日張雨綺身穿熱褲，大晒長腿，全程同神秘男有講有笑。消息曝光後，張雨綺就喺微博公布婚訊，令一班網民又驚又喜。其實之前張雨綺同前夫王全安都係閃婚後再公布，估唔到佢今次又係玩閃婚！
張雨綺同富商男友相識十天就相戀，拍拖70日即結婚。
下載APP