梅媽否認被禁錮，更大爆梅啟明風流事。（圖：D100《娛樂小奶媽》）
（右起）梅媽接受香港網台D100節目《娛樂小奶媽》的主持潘小文訪問。（圖：D100《娛樂小奶媽》）
梅啟明曾向港媒聲稱梅媽被侄仔教唆，才登報跟他脫離母子關係。（TVB娛樂新聞台截圖）
梅豔芳雖然離世多年，但她的母親梅覃美金（梅媽）及胞兄梅啟明的金錢糾紛仍沒完沒了。日前梅啟明在港入稟控告侄仔梅柏麟濫用梅媽的生活費，又指其私人看護迫梅媽登報與他脫離母子關係，向兩人申索共港幣800萬元。對於他聲稱梅媽被禁錮，昨日（31日）有港媒公開親訪梅媽的片段回應。
梅媽接受港媒D100節目《娛樂小奶媽》的主持潘小文到家中訪問，親自回應兼大爆料。梅媽表示：「我好清醒有食嘢，鄭姑娘好到搵唔返第二個。我點會畀人禁錮，冇咁嘅事，佢（梅啟明）想我禁錮就真，所以避佢搬到咁遠。佢樣樣都錢錢錢，一個月畀一萬、二萬、三萬，固定咗我可以做得到嘅，我都會做，但你唔係喎！攞錢冇固定時間，你叫我點頂呀？我都係靠阿梅嗰度生活費，又要交租，都兩三萬蚊租㗎。」她又慨嘆：「唉，我四個仔女，係呢個最衰！佢以前細個唔係咁，都唔知佢群到咩人變晒。」
對於梅啟明指14歲的兒子患癌缺錢診治，梅媽說：「畀醫生紙我睇下，我盡自己可能幫得多少都幫。佢而家老婆同仔都唔顧，重四圍去攬女人。」梅媽抱怨：「幾十歲重去搵女人搞搞震，啲錢好辛苦㗎，阿梅啲錢係用嚟做生活費㗎，唔係畀你拎出去玩女人㗎！你有錢去玩你嘅事，我每使一毫子都係阿梅嘅辛苦錢。佢有錢，包10個都唔關我事，我講明，玩女人我一毫子都唔會畀錢你。佢喺美國又有『蘇州屎』，重有兩個仔。真陰功囉！佢風流，咩唔風流呀！」
下載APP