態度開放歡迎求愛

昨日，鄧麗欣（Stephy）以一襲性感長裙出席公開活動。對於日前公開表明想和舊愛方力申（小方）做回朋友，Stephy直言不會主動聯絡對方，至於能否做回朋友，則順其自然。談及現時的感情生活，Stephy坦言歡迎追求者，但她表示因為經常被記者偷拍，搞到冇人夠膽約自己。

鄧麗欣坦言對追求者採取開放態度。

在接受採訪時，Stephy透露最近正在努力運動，她說：「新戲要扮一名識空手道嘅日本女仔，所以要努力運動，好開心發現自己有四嚿腹肌。」日前，Stephy公開指小方對感情專一，更表明有意和對方做回朋友。對此，Stephy表示兩人一直未有聯絡過。問她會不會主動聯絡對方？Stephy表示：「好尷尬，我唔想咁刻意，順其自然喇。」

鄧麗欣直言不會主動聯絡方力申，對做回朋友只能順其自然。

否認搭上足球班主

早前，Stephy和大埔足球隊主席蔡尚圻一起出席活動，問到兩人有沒有機會發展？Stephy即時否認：「對方只係朋友，佢熟悉排球，而且有贊助我嘅排球隊，加埋佢係大埔足球隊，而我又係大埔人，所以先會去捧場。」此外，Stephy亦再次澄清與台灣女排球教練鄧衍敏撻著的傳聞，她說：「大家係朋友，會有聯絡，排球上嘅交流都會有，我哋都好耐冇見。」

鄧麗欣（右）被拍到和大埔足球隊主席蔡尚圻（左）一起觀看比賽。

對追求者持開放態度

問Stephy現時是否有男士追求？她說：「冇！有冇好介紹？我嘅圈子好窄，識嘅已經識晒。」問她對追求者是否採取開放態度？Stephy表示：「歡迎，不過唔好追，唔想嚇親人，唔好講到我好似好飢渴咁，可以由做朋友開始。不過而家都冇人約，大家都唔夠膽約我，影到食飯又畀人話，而且我身邊暫時冇新朋友出現。」

鄧麗欣表示經常被記者偷拍，搞到冇人夠膽約自己。