台灣性感女星林熙蕾喺2011年同美籍華人富商楊晨（Chris）結婚，兩人育有兩名女兒。日前，係林熙蕾43歲生日，佢除咗有老公Chris肉麻獻唱生日歌，仲有好姊妹舒淇突然驚喜現身，令佢非常開心！林熙蕾話早幾日先同舒淇見過面，佢話：「舒淇騙我要離開上海，結果隔兩天突然出現幫我過生日，實在讓人感動。」
舒淇驚喜現身，為好姊妹林熙蕾慶祝生日。
獲老公及老友舒淇齊齊陪伴慶祝生日，林熙蕾有感而發話：「有像家人一樣的朋友，友情能夠維持這麼久，不是一件容易的事。生日能和兩個最愛的人（Chris和舒淇）一起過，感覺很幸福。」喺吹蠟燭時，林熙蕾將其中一個願望送畀舒淇，佢話：「希望舒淇早日懷孕生子。」Chris就喺旁邊大叫：「雙胞胎！」舒淇聽聞就講笑咁話：「如果有小朋友，希望林熙蕾幫忙照顧。」
舒淇、林熙蕾及林心如非常老友，佢哋之前仲一齊去日本旅行。
下載APP