韓國女團f（x）前成員雪莉（Sulli），自去年宣布退出團體往演員方面發展後，不再受過去可愛形象束縛，作風亦愈嚟愈大膽。佢不時於社交網站貼出豪放性感照，惹嚟唔少爭議。噚日，有消息話年僅22歲嘅Sulli，喺新戲《Real》中首度挑戰上半身裸露嘅戲分，更親身上陣同「男神」金秀賢破格演出19禁床戲。
自退團後，雪莉不再受過去可愛形象束縛，作風亦愈嚟愈大膽。
電影《Real》係金秀賢入伍前嘅最後一部作品，佢喺片中飾演只要收錢就會解決任何問題嘅「清道夫」，而Sulli則扮演醫院嘅復康師，兩人將上演不少感情戲分。Sulli喺片中需要拍攝上半身裸露嘅床戲，雖然劇組有幫佢準備替身演員，但Sulli主動提出：「我自己來，不用替身。」令現場工作人員都嚇一跳，大家都讚Sulli嘅敬業精神，並感激佢為電影作出嘅犧牲。
雪莉喺新戲中將會同金秀賢破格演出19禁床戲。
下載APP