前晚（12日）播出的劇集《輕．功》中，Joman演出多場喊戲。（相關機構圖片）
蔣祖曼首任女一，在劇中飾演黎耀祥及龔慈恩的女兒。（圖：蔣祖曼 IG）
現實中的Joman與女兒及繼子，感情相當融洽。（圖：蔣祖曼 facebook）
由蔣祖曼（Joman）首度擔演女一，演員陣容包括黎耀祥、龔慈恩、朱晨麗、朱敏瀚、鄭子誠的TVB劇集《輕．功》，前晚（12日）播出一集，Joman演出多場喊戲。雖然「演齡」長達18年，但演喊戲對於身為幸福人妻的她來說，實在是個演技大考驗。
劇中Joman飾演的翊嵐捲入抄襲事件慘被解僱，前男友Duncan（李日朗飾）同日移民離港。在失業及失戀雙重打擊下，Joman多場喊戲的真情流露演出觸動人心，原來她視喊戲為一大挑戰。
Joman表示：「雖然做咗好多年戲，但係之前嘅喊戲加埋都冇多過五次，所以對我嚟講係一個新嘗試。」Joman續指現實性格較硬淨，就算遇到挫折亦很少會哭出來，故拍攝前有不斷請教其他演員「喊功」：「祥哥話佢本身都係硬淨啲，喊戲佢都要時間準備，但佢人生經歷比較多，諗起某啲事情就比較容易喊出嚟。朱朱（朱晨麗）就提議我可以試下整濕啲對眼，同埋飲多啲水。又有朋友叫我試吓發共鳴音會易啲喊出嚟。」
劇中Joman為了事業選擇與男友分手，她坦言現實中自己會選擇愛情。Joman 21歲便與任職電影幕後的陳卓麒相戀，兩人拍拖八年後結婚，對方前妻因病離世，她年紀少少便充當後母角色，於2015年再誕下女兒。她曾透露因繼子曾說：「鴨BB有鴨媽媽，雞BB有雞媽媽，但我沒有媽媽。」令她頓感心痛，決定要把繼子視如己出。
下載APP