成龍同星爺打對台

由成龍、李治廷主演，唐季禮執導的新戲《功夫瑜伽》，落實於明年農曆大年初一上映，將與周星馳的新作《西遊．伏妖篇》打對台。昨日，一眾演員出席新戲發布會，導演唐季禮透露片中會有飛車場面，總共出動了70部法拉利拍攝，就連向杜拜王子借的限量跑車都撞壞了，認真揼本。

成龍新戲於明年農曆大年初一上映，將與周星馳新作打對台。

在發布會上，李治廷透露早前於杜拜拍攝了大量飛車場面，而他在車頂的戲分足足拍了兩個星期：「好彩有大哥（成龍）錫住，因為我喺車頂佢開車，為咗我唔使咁辛苦，佢經常將架車駛去陰涼嘅地方。」一旁的成龍則大讚李治廷後生可畏，他說：「十年前喺車頂嘅係我，而家我老喇！喺車頂嘅就變咗李治廷。」

李治廷自爆在車頂的戲分足足拍了兩個星期。

向杜拜王室借超跑

導演唐季禮透露有場飛車重頭戲，一共動用了逾70架法拉利拍攝，其中多部跑車是向杜拜王室及富商借來，他說：「嗰場戲冒住損失兩億人民幣嘅風險去拍，仲撞壞咗一部向杜拜王子借嘅限量級跑車。日日都拍到提心吊膽，一個唔小心就要賠錢。每次聽到『砰』一聲就會好驚，因為又要賠幾百萬。」

成龍主演的新戲出動了70架法拉利飛車，認真架勢。

李治廷被成龍鬧爆

問到拍攝期間的趣事，李治廷直言開工首日就被成龍鬧爆，他說：「今次諗住豁出去，拍動作戲冇戴護具，但大哥話搏命係好事，但唔好逞強。」成龍將於本周六（12日）獲頒「奧斯卡終身成就獎」，全場特別為他獻唱歌曲〈真心英雄〉。對此，成龍表示：「拍咗56年電影，從來冇諗過拎奧斯卡，呢個係每個電影人嘅夢想。」

李治廷拍動作戲不戴護具，開工首日即被成龍鬧爆。