獲獎無數嘅52歲影后張曼玉（Maggie），近年淡出影壇轉型做歌手。Maggie 於2014年出戰內地草莓音樂節，以一首搖滾版〈甜蜜蜜〉成為熱話，但佢低沉嘅「鵝公喉」加上嚴重走音，被網民評為「上帝放棄的聲音」。雖然歌藝遭受批評，但Maggie卻愈挫愈勇，繼去年為電影《戀愛中的城市》獻唱主題曲〈如果沒了你〉後，今次佢繼續出擊，將於本周五（11日）推出首隻單曲〈Look In My Eyes〉。
張曼玉將於光棍節推出首隻單曲〈Look In My Eyes〉。
噚日，Maggie新歌〈Look In My Eyes〉嘅MV預告率先曝光。喺片中，Maggie戴住面具以金色Bra Top現身，仲著上黑絲大騷長腿，佢手捧白色巨蛇，仲畀條蛇喺身體遊走、纏繞頸部，配上迷幻嘅音樂同Maggie招牌「鵝公喉」，效果神秘又性感。除咗獻唱歌曲，Maggie更一手包辦作詞、作曲同編曲，就連MV預告都係Maggie自編、自導、自演，真係相當用心。
張曼玉戴住面具以金色Bra Top現身，神秘又迷幻。
下載APP