拍攝棚架戲正式埋位前王浩信與江榮暉研究走位動作，可見他十指黐滿膠布。（相關機構圖片/王浩信 IG）
（左起）黃宗澤、王浩信及吳卓羲在拍攝期間頻頻做Gym，唔怪之得咁大隻啦！（圖：王浩信 IG）
首集就出動大量CG特效畫面。（相關機構圖片）
由黃宗澤、吳卓羲、王浩信、胡定欣、蔡思貝、譚俊彥、黃智雯領銜主演的TVB新劇《廉政狙擊》，前晚（20日）首播第一集已有連串大製作大場面，包括大廈塌樓CG特技、飛車及棚架追逐等，實在是大台近年罕有落重本之作，已經轉到內地發展的王浩信更肉搏連場瞓晒身，打戲大部分親身上陣Chok到盡。
首集的棚架追逐戰由王浩信與飾演反派的江榮暉親身上陣，兩人躍出窗口再在狹窄的棚架追逐及埋身肉搏，還要在下塌的棚架中扭打兼大聲講對白，絕對是體力、演技及記性三重考驗。拍攝花絮中見王浩信體能亦Fit到爆，露出一雙麒麟臂擒高爬低冇難度。浩信受訪時透露，剪出來約半分鐘的戲原來足足拍了一整天：「由朝頭早拍到夜晚收太陽之前，最難忘係我哋封咗成條街，最後塌棚嘅效果都要多謝動作指導設計得非常之好。」談到要在如此狹窄的空間追逐及打鬥，他坦言有難度：「但我又覺得要畀驚喜觀眾，梗係要向高難度挑戰啦，其實我自己幾鍾意拍動作戲，所以呢場戲我拍得好開心。」被問到十隻手指為何黐滿膠布，他則回應：「始終棚多攙刺，所以黐定膠布避免刮傷。」
下載APP