近年移居英國的黃偉文（Wyman）日前分享了與容祖兒（Joey）在倫敦街頭的合照，今日（6日）蔡卓妍（阿Sa）與Wyman分別在自己的社交帳戶公開了兩人合照。原來Joey與阿Sa在出席完巴黎時裝周後，便到了倫敦探Wyman。
Joey與Wyman比較老友，Wyman透露兩人是破紀錄的一年零九個月沒有見面，他留言道：「朋友係，喺巴黎做完嘢，突然發現多咗兩日假期，即刻坐火車嚟倫敦探我。」Joey更捉了衣著品味一流的Wyman陪她買衫，她透露：「一天半的時間，我們吃了四餐，行街行到最後一分鐘，揀了超級多靚衫。有佢喺度嘅行街係零舍不同，有返以前行 Joyce 嘅感覺，充滿驚喜！」
而阿Sa主動約Wyman食飯，最初他竟以為是行騙。他笑謂；「佢send message畀我約食飯嗰陣，第一下我以為係騙案。因為幫佢寫歌寫咗廿幾年，呢次係第一次，係，真係第一次！單獨約出嚟食飯。重要係喺香港咁近唔約，喺倫敦先約，不過呢餐飯一食食咗七粒鐘。」阿Sa則在社交帳戶留言：「我永遠都要感謝嘅人，冇咗你Twins會點呢？」
阿Sa與Joey亦到處逛街Shopping，不過Joey今早就留言謂另有工作在身：「短暫嘅相聚就要 say goodbye，我又要繼續下一個工作。依依不捨，但係唔駛驚。成世人流流長，好朋友就好似肥大髀，永遠黐埋一齊，期待下次再血拼。」 （編輯：游子欣）
容祖兒與黃偉文在英國食足四餐飯。（圖：容祖兒 IG）
容祖兒搵Wyman幫眼陪買衫。（圖：容祖兒 IG）
兩人已一年零九個月沒見面。（圖：黃偉文 IG）
阿Sa主動約Wyman食飯，令他以為遇騙案。（圖：蔡卓妍 IG）
Joey與阿Sa在倫敦遊玩。（圖：容祖兒 IG）
做遊客到處留影好開心。（圖：容祖兒 IG）
兩人分別時依依不捨。（圖：蔡卓妍 IG）
下載APP