噚日，喺《導火新聞線》中飾演「皇阿媽」嘅梁小冰，被指當街追罵大嬸，有網民就話梁小冰鬧足九條街，講到佢非常惡咁話，到底係乜嘢事？原來當時梁小冰係想提醒大嬸過馬路要守交通規則，但點知大嬸就話返梁小冰轉頭，仲話佢食魚蛋阻住自己過馬路，嬲到梁小冰要追住對方鬧足九條街，大嬸先肯收聲。梁小冰仲話大嬸當初以為佢係「?妹」，但其實梁小冰已經46歲。
梁小冰被指當街追罵大嬸，但原來係一場誤會。
消息傳出後，起初有網民以為錯嘅係梁小冰，其後梁小冰喺網上解畫：「這是日常生活平常師奶遇到的小事，諗住喺個人fb講出嚟等大家安慰一下我盛怒的心，無諗過會見報，今朝跑完十公里怒氣全消，已經放開，過咗去唔想再提，小事化無。有時只想告訴大家，我都係有血有肉的普通人，同大家一樣行街、買餸、迫地鐵，遇到很多不公平的人和事，都會出聲和反抗，以免縱容更多的惡人打橫行欺負弱者。」
梁小冰喺《導火新聞線》中飾演嘅「皇阿媽」深入民心。
下載APP