〈追〉錄音過程順利一日完成

姜濤:哥哥重新定義咩係Charm
21/03/2023
22951
收藏
分享
姜濤:哥哥重新定義咩係Charm
姜濤:哥哥重新定義咩係Charm
姜濤:哥哥重新定義咩係Charm

姜濤重新演繹環球唱片《REMEMBERING Leslie》中張國榮的經典金曲〈追〉,在保留原作韻味同時注入新元素。他直言唱得很舒服:「以前喺演唱會都唱過,知道自己屬於中音嘅range,佢呢隻歌都係中音區,首歌令我唱得好舒服。當然要聽返哥哥原版演繹,到重新去唱、編排過嘅時候,一定要有自己風格、唱法加落去,太依賴會畀人覺得太模仿,唔想畀人覺得係模仿,因為哥哥係模仿唔到。」

〈追〉的監製是與姜濤合作無間的徐浩,姜濤的錄音過程亦相當順利:「雖然之前演繹過呢隻歌一次,但用新嘅編曲完整地演繹,係需要一邊唱一邊搵感覺,好彩比想像中順利。本身預兩日錄,變咗一日就搞掂。」

至於對哥哥的印象,姜濤表示從小已經由媽媽和親戚口中聽到他的名字:「我有睇哥哥以前一啲訪問,會感覺到佢好放鬆,係好自信嘅一個人。」除了唱功和演技外,姜濤亦非常欣賞哥哥風趣幽默的性格:「我哋而家做訪問多少都會有啲拘謹,可能人生閱歷未夠,好多人都有睇過哥哥《今夜不設防》嘅訪問,佢重新定義咗咩係Charm,唔會淨係鏡頭前一張相,而係你個談吐、氣質。依家啲節目唔會畀你食住煙去傾偈,但佢可以好Chill,嗰個年代嘅Artist嘅人格魅力係更加突出,哥哥係再突出嘅一位。」 (編輯:游子欣)

姜濤表示,翻唱〈追〉唔想畀人覺得係模仿,因為哥哥係模仿唔到。(相關機構圖片)

姜濤的錄音過程相當順利,他笑言:「本身預兩日錄,變咗一日就搞掂。」(相關機構圖片)

在保留〈追〉的原作韻味同時注入新元素,姜濤直言唱得很舒服。(相關機構圖片)

檢舉
檢舉類型:
具體描述:
提交
取消
評論
發佈

力報會員可享用評論功能

註冊 / 登錄

查看更多評論
收藏
分享

相關新聞

推薦新聞

找不到相關內容

七日預報