（左起）楊樂文（Lokman）、何啟華（Dee）及王智德（Alton）合資開的泰式餐廳。（相關機構圖片）
隊長Lokman指沒有收到MIRROR 12子會在今年內合體開騷的消息。（相關機構圖片）
三人在餐廳開幕前也有請各自的粉絲到店內試菜。（相關機構圖片）
MIRROR成員楊樂文（Lokman）、王智德（Alton）及ERROR成員何啟華（Dee）前日（26日）三人共同創業開泰式餐廳，新店取址香港的旺角鬧巿，三位老闆的粉絲亦到場打氣。被問到日前傳出MIRROR上弦六子各自開演唱會的消息，隊長Lokman也有回應。三人透露新店籌備了兩年，因為疫情才延至現在開張，原本只是計劃做外賣生意，後來覺得開餐廳有得做才決定大搞。是次投資七位數字，Dee表示：「希望半年至一年後可以開設分店。」Alton透露：「最緊要大家食得開心，成功就有第二間。」Lokman笑言：「分店一定想開，一眾兄弟到來幫襯一定唔使錢，朋友就要錢。」Dee即回應：「咁嚟到先知自己係兄弟定朋友，同時考驗佢哋係咪真朋友，真正嘅朋友係會畀錢我哋使。」三子在開業前已有參與試食及微調，為開業前做足準備。被問到會否駐店打躉做生招牌，Lokman表示：「我哋打躉會好大陣仗！」對於MIRROR其中六位成員姜濤、盧瀚霆（Anson Lo）、呂爵安（Edan）及柳應廷（阿Jer）、陳卓賢（Ian）及副隊長AK將於暑假期間各自開演唱會，而去年MIRROR紅館騷因意外而餘下未舉行的場次則會於明年初轉場到機場亞博舉行的消息，Lokman回應時不忘叫兄弟們幫襯他的餐廳：「開演唱會梗係好啦，大家等咗咁耐，有咁多作品咪一齊表演囉！開心嘅！」他又指合體騷需要時間籌備，他沒有收到MIRROR 12子在今年內會合體開騷的消息。
下載APP