香港男團P13XL成員吳啟洋（Phoebus）、葉振弘（Marco）及徐浩昌（肥腸）日前聯同化學博士Dr. K Kwong一齊做實驗拍廣告。Phoebus更負責街訪部分，但他因為太怕醜唔敢邀請途人受訪，笑言自己「唔叻、唔係好敢」，最終用合照交換才成功訪問：「其實我怕醜都冇咩進步，純粹拍嘢拍多咗放膽咗，我嘅策略就係搵女仔做訪問，因為佢地會健談一啲，埋去之前大家有個眼神嘅交流，咁會易啲埋手！」Phoebus當日要問途人「被綠」嘅經驗，佢就話感情上未試過，不過生活上經常「被綠」：「平時同朋友食飯，我都會叫好多菜嘅，只要大家食唔晒都係我『包底』食晒佢，加上平時都會帶水樽出街同搭港鐵，都算係綠色環保人嚟嘅。」
而Marco及肥腸在片中就負責做實驗，要鬥長氣測試空氣流動，不過佢地聽到「鬥長」就好興奮， 非常搞笑！Marco片中飾演男神，佢就話鏡頭前大家「客氣、畀面」，他笑言：「事實上肥腸先係男神，佢好得女士歡心嘅！頭先實驗我地係鬥長氣，其他嘢就熄機先啦！」 （編輯：游子欣）
吳啟洋（Phoebus）笑言自己在生活上經常「被綠」。（相關機構圖片）
Marco（左二）及肥腸（右二）日前聯同化學博士Dr. K Kwong（中）一齊做實驗。（相關機構圖片）
（左起）肥腸及Marco在片中要比賽鬥長氣。（相關機構圖片）
Phoebus（右）因為太怕醜，要靠合照做利誘才能找到途人肯接受他的訪問。（相關機構圖片）
下載APP