洲電視昨日（6日）於大埔錄影廠舉行《亞洲電視66周年台慶》晚會，由亞視商務及經濟發展局副局長陳百里、陳啟泰、柳影虹、李龍基、劉錫賢、鍾叮噹、宮雪花、馬浚偉、馮素波等等出席。
擔任演出嘉賓的李龍基就拒談女友用手袋裝錢一事，唔想畀人誤會，但佢自爆年底將有「喜訊」公布：「我哋年尾就會結婚㗎喇，不過應該唔會大搞，總之兩個人開心就可以。」
亞洲電視行政總裁徐小明盼透過台慶活動令外界更了解亞視未來動向：「其實壓力都好大，因為大家都問有咩搞，其實我最主要目的就係激活亞視，因為一個電視台冇製作就好似虛殼咁，起初我地輕鬆啲，好似新聞、財經、玄學等等。今次『碌卡』叫咗好多朋友嚟幫手，今晚晚宴都爆晒人數，多謝大家對亞視嘅情懷支持。嚟緊亞視都會參與一個基金，我地希望培養到人才，搵到啲好劇本。」小明哥亦表示，現階段亞視將製作另類的綜藝節目，亦會有藝人帶貨的線上節目出現。
擔任司儀的劉錫賢表示多年未現身錄影廠，重回舊地感觸良多：「我1988年加入亞視，咁多年都拍過好多節目，令觀眾留低深刻印象，真係好多謝亞視，希望今次小明哥帶領亞視有新形象，令觀眾接受返我哋。」
久未露面的陳庭威感觸亞視台慶，笑言自己「年年18歲」，保持狀態隨時工作：「大家身體健康、快樂就可以，呢幾年我喺大馬都有做生意。（感情呢？）我重係自由身！你知以前係『地下情』，唔知邊個咩？咁約出嚟食飯見下囉。」
而馬浚偉支持徐小明出席台慶，認為亞視做網台有更大發展：「佢地有需要而我又做到，我一定會支持佢，不過依家我都忙緊返學，可能做監製開心啲，因為可以指人做嘢，可能呢啲層面合作會易啲。」 （編輯：游子欣）
李龍基出席亞視台慶時透露將於年底結婚。（相關機構圖片）
李龍基的女友在台下替他細心抹汗。（相關機構圖片）
亞洲電視行政總裁徐小明（相關機構圖片）
（右起）劉錫賢與瑪姬擔任台慶司儀。（相關機構圖片）
陳庭威笑言自己「年年18歲」。（相關機構圖片）
（左起） 李芷菱、陳美濤、陳啟泰、羅卿娗及吳玥肜。（相關機構圖片）
馬浚偉支持徐小明出席亞視台慶。（相關機構圖片）
馮素波大派心心。（相關機構圖片）
（左起）劉永、邵音音及陳靖允。（相關機構圖片）
亞洲電視行政總裁徐小明率領董事局及管理層會見傳媒。（相關機構圖片）
下載APP