有「超級丹」之稱嘅林丹被爆喺老婆謝杏芳坐月期間，出軌偷女內地女星趙雅淇。雖然謝杏芳第二日就即時喺網上發文，表示支持老公林丹：「會原諒這個知錯能改的男人。」但其後有報道指出，原來謝杏芳嘅發文，總共寫咗兩個不同版本，有齊兩手準備，佢仲請教友人邊個版本好啲。此外，仲有疑似謝杏芳嘅聊天記錄截圖曝光，睇到謝杏芳向友人請教嘅經過。
有傳謝杏芳為咗原諒老公，寫咗兩個唔同版本嘅文章。
根據聊天記錄嘅截圖顯示，另一個方案為「別人別有用心的選擇在我坐月的時候報道消息，我真的十分傷心痛苦。但孩子需要一個勇於承認錯誤，知錯能改的爸爸，十幾年一路走來，磕磕碰碰，生活不易，我們將共同面對一切。」報道仲話謝杏芳請教嘅友人，係林丹有份投資嘅公司其中一位合夥人。至於聊天記錄截圖曝光後，就已經被迅速刪除。
報道指謝杏芳請教嘅友人，係林丹嘅一位合夥人。
下載APP