蔡潔（Jacky）昨日（22日）在香港書展舉行簽名會，宣傳她在今年推出新書《有隻貓在芒果星》，書中收錄她與領養的愛貓「豬仔」生活點滴。蔡潔昨日亦吸引超過200名粉絲排隊攞簽名。蔡潔與吳沚默（MoMo）早前一齊去珠海為TVB拍攝旅遊節目，今年又一齊出書，二人在現場更交換簽名新書，藝人鄺潔楹及李梓樅亦到場支持蔡潔。
蔡潔表示今次是第二次出書，被媒體追問與黃宗澤的緋聞，她笑言：「我哋唔係緋聞，我當佢好兄弟，佢當我係好姊妹，我哋在工作上非常過電，我哋合作過近六次，隨後應該都會有機會合作，我哋咁好朋友，相信合作上有更多火花 。」對於二人在近兩年亦一齊人慶祝生日，她解釋只因為剛巧一齊工作而已，她說：「之前一齊工作嘅定欣、鄺潔楹及MoMo，我都有同佢哋慶祝生日，冇偏心㗎！我喺工作中渡過生日，自己都希望有人同我慶祝。」她又表示擇偶條件一向都是隨緣，最重要是心地好。 （編輯：游子欣）
蔡潔（Jacky）昨日（22日）在香港書展舉行簽名會。（相關機構圖片）
蔡潔給緋聞男友黃宗澤派上「兄弟牌」。（相關機構圖片）
（左起）李梓樅、吳沚默、蔡潔及鄺潔楹。（相關機構圖片）
下載APP