林溥來（Patrick Sir）在TVB新劇《破毒強人》中飾演為賺錢上位不擇手段的職場渣男，與胡定欣「黑吃黑」而被邀參加毒品派對，差點被企圖活埋殺人滅口。談到落坑戲，Patrick Sir坦言難忘：「拍嗰陣係冬天，好凍！我要著住恤衫瞓喺泥地，真係超凍，我一路喺個坑度等、對手又被綁住唔郁得。埋我嗰個係阿Mo（陳豪），佢同工作人員都好好，有成日留意問下我凍唔凍。」
Patrick Sir透露是首次挑戰如此爛的角色，並付出不少第一次，包括獻出熒幕初吻：「拍之前我有同老婆備案，佢都冇乜大反應，反而重問我準備成點，可能佢都係演員，所以好明白。」除了螢幕初吻，Patrick Sir與胡美貽的埋身肉搏戲亦震撼眼球，Nicole色誘Patrick Sir後兩人更扭作一團，引來網民熱熾討論，並笑言Patrick Sir肯定要跪玻璃。他笑言拍攝時沒有尷尬，並謂：「我主要係保持口腔嘅清新同清潔，同埋叫佢唔好客氣，你總之一嘢就嘴埋嚟啦。」 （編輯：游子欣）
Patrick Sir 透露自己是首次挑戰如此爛的角色。（相關機構圖片）
Patrick Sir在昨日（14日）一集受盡美色引誘。（相關機構圖片）
Patrick Sir 笑言為拍這場戲早向老婆備案。（相關機構圖片）
性感上陣的胡美貽負責色誘 Patrick Sir。（相關機構圖片）
Patrick Sir在劇中獻出他的熒幕初吻，被胡美貽硬咀。（相關機構圖片）
Patrick Sir 透露拍攝落坑戲時在冬天，躺在泥地中非常凍。（相關機構圖片）
對於不少網民估他今晚「死硬」，Patrick Sir 大賣關子謂：「冇咁易估到。」（相關機構圖片）
下載APP