許廷鏗（Alfred）日前於港式大排檔現身派對與歌迷見面，《全民造星V》成員Hayson 、宇軒 、Oscar 及Tomy更參與出席。派對以「大排檔」作主題，Alfred與歌迷順道見面聚會，他表示：「我其實好鍾意食大排檔，特別係啲香口嘅嘢食，因為中式大排檔係圓枱，大家傾計好似方便啲，唔會分太多細Group。今次係第一次同粉絲去大排檔，因為我女歌迷比較多，加上佢哋年紀比較細又溫文，以前都係去Café或唱K，多謝佢哋今次陪我癲，去一個『佬』味比較重嘅Party。」
Alfred在現場又被歌迷即席點唱，氣氛熱烈：「今晚其實都有好多海外歌迷參與，亦都好難得見到有啲年長嘅歌迷，平時少啲喺商場活動見到佢哋，反而有嘢食住、坐下氣氛重好。頭先佢地即席點唱揀歌都冇難到我，因為我都好鍾意唱歌。呢晚氣氛好好，歌迷比平時唱得再大聲啲，希望第時都唔好怕醜，唔同嘅場合都會放膽『吶喊助威』，因為歌迷練咗咁多年歌藝應該唔會太差。」Alfred更自爆即將開騷：「依家就忙緊製作新碟，希望盡量派多啲歌啦，因為聖誕節就會開騷唱歷年嘅歌曲，如果到時大家喺香港就留個期畀我啦！」 （編輯：游子欣）
形象斯文的許廷鏗直言今次是第一次與歌迷去大排檔。（相關機構圖片）
許廷鏗喜歡中式排檔的大圓枱傾偈更方便。（相關機構圖片）
不少歌迷向許廷鏗即席點唱。（相關機構圖片）
許廷鏗透露在聖誕節將會開騷。（相關機構圖片）
下載APP