吳若希（Jinny）與她的澳門老公何兆鴻（Alex）及兩歲的細仔搏啜為TVB實驗性真人騷《爸知弊！你嚟湊吖！》任嘉賓，出名「水溝油」的Jinny與Alex在明晚（21日）一集上演「史密妻決戰史密夫」，相當爆笑。
在自己提供的生活短片中，Jinny已忍不住大罵Alex是「虛偽嘅老豆」，去到拍攝現場，Jinny再五度控訴老公「扮嘢」及「虛偽」。事緣Jinny指Alex私下是嚴父，但在鏡頭面前卻刻意扮溫柔。Jinny說：「嗱！平時佢唔係咁㗎！平時佢係：『搏啜，做乜丟嘢呀？』，真係一個好虛偽嘅爸爸。」更曾一度嘗試電話對話玩踢爆：「你點解把聲要咁呢？你用返你平時同我講電話把聲先，你點會『喂』（溫柔tone）？」
之後Jinny行動升級，主動要求製作組扮熄機窺探老公真面目；結果放下戒心的Alex果然即時變臉，眼神凌厲度兼黑面指數level up教仔，Jinny見狀即大叫：「你睇吓佢對住個仔！」 Alex更向諾懿坦誠自己是家中惡人：「工人同阿媽話佢一唔食飯，佢哋就會話『爸B鬧喇』，有一點我一定鬧得好勁嘅，就係食食下飯，隻叉或湯匙跌咗落地。因為我細個家規好嚴，食嘢唔可以嘈，跌嘢落地就打，食飯有剩喺碗，係淨一粒打一藤。」
「怨氣」沖天的Jinny，還狂數老公三宗罪：「永遠冇手尾」、「好論盡」、「污糟邋遢」，例如將脫掉的鞋子放在客廳中間等；拍攝期間Alex亦忘記食飯前要幫囝囝洗手，即時發現的Jinny隨即致電試探Alex，Alex為怕激嬲老婆，不加思索便決定撒謊避難，到底Alex奸計能否得逞？另外Jinny亦不滿老公經常「架空」自己：「佢平時對住我個仔，當我冇到，唔會將媽咪呢個字眼提住。」
另製作組為了給主持諾懿一個驚喜，秘密安排他的太太Nicole及兒子小春雞成為本周參與錄影嘉賓。原來小春雞數口甚精，為了避開進食討厭食物，竟想出與爸爸講數「分甘同味」，在監控室食花生的Nicole亦忍不住感嘆：「講數最叻，佢最鍾意講數！」又笑指小春雞似足爸爸勁麻甩：「我個仔食飯係衰少少，係麻甩啲。」陳敏之聞言即追問：「遺傳？」Nicole笑謂：「唔係遺傳，係有樣學樣。」 （編輯：游子欣）
吳若希向來都唔畀面老公 Alex，今次更公開力斥他的三大缺點。（相關機構圖片）
吳若希的兩歲細仔是今集《爸知弊！你嚟湊吖！》的小嘉賓。（相關機構圖片）
吳若希的細仔乳名叫「搏啜」。（相關機構圖片）
節目拍攝未出發，吳若希已在家大罵老公Alex虛偽。（相關機構圖片）
（左起）主持黎諾懿給 Alex 湊仔任務。（相關機構圖片）
Alex 對湊仔任務呈放棄狀態。（相關機構圖片）
（左起）Alex 與 Jinny 分別引囝囝埋身做測試。（相關機構圖片）
Jinny 發現囝囝未洗手便進食。（相關機構圖片）
Jinny 見到即時打電話試探老公，Alex 梗係打死唔認。（相關機構圖片）
Jinny 要求製作組扮停機，以便「搜證」踢爆老公真面目。（相關機構圖片）
一話熄機，Alex 即時開啟嚴父Mode上身。（相關機構圖片）
小春雞（右）食嘢時個樣又真係幾麻甩，連搏啜都睇到眼定定。（相關機構圖片）
下載APP