電影《觸電》的主要演員包括林敏驄、伍詠薇、柯煒林（Will）、陳穎欣（Yanny)、羅莽及馮素波等。眾人昨日（10日）出席開鏡拜神儀式後合照。一向寸嘴的林敏驄對住伍詠薇，一樣窒到她無力招架。
阿驄表示今次戲中帶領電競隊比賽挑戰夢想，笑言除了操肌還要操機。他自言打電競絶不下於年輕對手，他說：「battle（對戰）從來未輸過，因為未開始。」他與伍姑娘飾演一對離婚夫妻，他明讚暗踩地讚她：「我個老婆好索、好靚⋯⋯遠睇嗰陣，好遠嗰隻。」伍詠薇透露兩人不少嗌交戲，︰「同佢拍戲，有嗌交戲都畀佢接到唔係嗌交戲，忍笑忍得好慘，基本上佢改晒劇本。唔止我受苦，相信其他演員都係。」
電影以電競隊為主軸，羅莽師傅亦是隊員之一，阿驄一見略為發福的羅莽竟然說：「好耐冇見，個樣又唔同咗，我以為劉以達嚟咗。」羅莽自言每朝都會打功夫十幾廿分鐘，好似食飯咁唔練唔得。他又指怕人多認得，所以減少落街做運動，通常每朝在家以「8」字跑步，他笑言：「間屋夠大，識得呼吸運氣一樣都得，一收一放。」 （編輯：游子欣）
（左起）伍詠薇與林敏驄在片中飾演一對已離婚的夫妻，所以只有嗌交沒有親熱戲。（相關機構圖片）
（左起）陳穎欣、林敏驄、羅莽及柯煒林齊齊飾演電競隊成員。（相關機構圖片）
羅莽師傅透露每日都會在家勤練功。（相關機構圖片）
羅莽師傅擺出功夫招式，林敏驄、Will及Yanny在他背後搞搞震。（相關機構圖片）
（左起）馮素波及羅莽在片中是一對夫妻。（相關機構圖片）
林敏驄在拍攝時不斷爆肚，令其他對手笑到收唔到聲。（相關機構圖片）
電影《觸電》的台前幕後人員昨日（10日）出席開鏡拜神儀式。（相關機構圖片）
下載APP