馮允謙驚畀人叫「除衫」

MC張天賦、陳蕾、馮允謙、COLLAR、Dear Jane、ToNicK及魏浚笙（Jeffrey）等歌手將於11月18及19日於西九文化區演出香港博愛醫院主辦的首個大型戶外慈善音樂會《博愛SO ME SHOW MUSIC》，共超過30個表演單位參與演出。

Dear Jane 主音Tim表示，難得與其他歌手聚首一堂，似開派對多過音樂會：「其實一直都幾喜歡唱戶外騷，因為大家都會更加投入，Band仔最享受就係呢啲嘢。今次騷咩都未排啊，唔知有冇機會同其他歌手一齊玩，不過做善事都冇所謂，大會想我哋點就點，最緊要幫到人。」

馮允謙繼上次沙灘音樂節後，一直對戶外演出「念念不忘」，坦言已經積極籌備歌單：「啲Fans一去到戶外騷就會特別興奮，做表演者真係覺得好正。不過唱戶外騷最驚就係畀人叫除衫，不過11月應該凍啲，到時著多幾件衫上台，咁就除極都重有衫，即管放馬過嚟。」

Dear Jane 主音Tim（左二）享受唱戶外演唱會的氣氛。（相關機構圖片）

馮允謙上次參與沙灘音樂節時，不斷被台下叫「除衫」。（相關機構圖片）