平時OL化妝返工都係一盒大地色系眼影走天涯，不過聖誕節就快到，大牌亦鬥快推出華麗的節日系列，包裝夠靚值得珍藏，化個靚妝出席各大Party時更可趁機閃到盡，夠浮誇先可以成為全場焦點！
YSL 閃閃星塵
YSL的聖誕系列一向係唔少女生的收藏目標。今年品牌以星塵作主題，黑色Logo配漸變色閃閃星塵包裝的「限量版星光彩妝盒」一拎出嚟已經夠晒搶眼。一盒有齊小型化妝掃、胭脂、裸色和紅色兩款唇膏；金色、紫紅、古銅和米棕四隻閃到爆的眼影，方便出街補妝。
YSL 限量版星光彩妝盒MOP680
Guerlain 華麗寶石
Guerlain 首次跟超模Natalia Vodianova 合作，推出全新節日限量系列，「Ecrin Shalimar 」雙色眼影以印度的黃金和藍寶石為靈感，因此主調為金色與藍色，並帶點點Metallic的感覺，用金色打底，再於眼尾掃上藍色營造深邃效果，高貴冷艷。
Guerlain「Ecrin Shalimar 」雙色眼影MOP360
shu uemura 花花世界
歐美品牌大多走冷艷路線，若然想Cute啲，不如入手日牌shu uemura與村上隆聯乘的聖誕系列，包裝全以村上隆的招牌花花圖案作主題，勁可愛！眼影及胭脂彩妝盒分為冷色系的「cosmicool 」和暖色系的「cosmikawaii」， 如想予人親切一點的感覺，可選擇後者，鮮艷的珊瑚色令雙眼好似叉足電咁精靈活潑。
shu uemura「cosmikawaii 」眼影及胭脂彩妝盒MOP550
ETUDE HOUSE 玩味童話
ETUDE HOUSE的妝物花款多多，近期推出的「ETUDE HOUSE×My Little Nut」節日系列就有童話人物──胡桃夾子做主角，超有聖誕氣氛！眼影盒備有「Lucky Red 」及「Wish Blue 」兩種色系，各有六色，微細閃粉令眼眸更添魅力，想化桃花眼妝或是走型格路線都得。
ETUDE HOUSE「Fantastic Color Eyes」眼影彩色組合MOP145
下載APP