陳豪拍打戲被懷疑「食過夜粥」

由陳豪及陳茵媺夫妻檔孭飛的TVB台慶劇《羅密歐與祝英台》前晚（23日）是陳豪晒冷之夜，除首度在劇中大顯槍法和敏捷身手外，更分別以「黑面神」及「Rock友」造型大放笑彈，加上劇集結尾透過水管表達對祝英台的思念，一集做齊打仔、諧星及情聖。

陳豪在前晚一集使出真功夫，除了拳腳功夫下下到肉，在沙發上的翻滾絕技，及在長飯枱瀟灑滑行亦令人眼前一亮，對此他回應：「動作戲我其實拍過唔少，但因為冇拍一排，今次重加埋花式揸槍，拍之前武指都有懷疑：『你得唔得㗎？』」坦白講，我自己都唔知再落場會點，好彩囝囝同媽咪學跆拳道嗰陣，我都有喺側邊做下指導，啲人都有問我係咪食過夜粥，證明我爛船都重有幾分釘，哈哈！」

陳豪與陳茵媺亦有大量互動，最搶場口要數「花生盛宴」。事緣英喬（陳茵媺飾）為了試出萬事通（陳豪飾）真身，刻意以會引發梁山伯敏感的花生打造盛宴招呼他，包括涼伴花生豆腐及南乳蓮藕花生炆豬手等，並欺騙萬事通喝下「加料粟米湯」，成功作為搞笑擔當。

由陳豪及陳茵媺互動的「花生盛宴」，完全將陳豪的喜感展露無遺。（相關機構圖片）