鄧麗欣開心到英國出席世界首映

Stephy 遠赴英國現身倫敦東亞電影節行色匆匆。（相關機構圖片）

Stephy 出席映後分享環節並發言。（相關機構圖片）

（右起）鄧麗欣與劉以豪在片中飾演一對青梅竹馬的戀人。（相關機構圖片）

由陳嘉上監製、李保樟導演，鄧麗欣、劉以豪領銜主演，呂良偉及李靖筠聯合演出的愛情懸疑片《白晝如焚》入圍倫敦東亞電影節，並於當地舉行世界首映，為電影上映前打下一支強心針。女主角鄧麗欣（Stephy）親身到當地參與電影節，是繼郭富城及古天樂後，再有香港演員親身出席該電影節，本片在席上更獲得高度評價，顯示大會對Stephy及本片的肯定。

對於今次飛往倫敦參與倫敦東亞電影節，Stephy大表興奮：「今次是我第一次參加倫敦東亞電影節，心情好開心，尤其今次見到好多香港嘅朋友，嚟到支持呢部電影。我本身好喜歡倫敦呢個地方，不過工作就是第一次，好開心可以帶自己好喜歡嘅呢部電影嚟倫敦同大家分享。」而Stephy今次參與《白晝如焚》世界首映，坦言心情非常複雜：「我响大銀幕欣賞電影嘅時候，心跳由第一分鐘急促到最後一分鐘，由頭緊張到尾。好似未能夠呼吸一樣，因為每一個情節及段落，都令我回憶拍攝過程同埋角色嘅感受。最值得係感受到觀眾响觀映後嘅反應，加上非常開心佢哋睇得投入。」至於在映後分享的環節，被問到如何看待戲中與以豪的愛情關係，她說：「兩個角色嘅情感都好單純，正正因為呢種單純，响命運作弄下，就會各走極端。而各走極端嘅人往往無法回頭，只可以用更不合常理嘅手段去解決問題。但當我回想角色，諗起嗰種單純嘅愛，其實好令我痛心。而兩個人既單純又複雜嘅情感線，正正就係呢套戲最好睇，最人性化嘅地方。」提到今次電影節之行還有甚麼計劃？Stephy笑言：「今次時間緊密，早上到埗後即準備出席電影節放映，而明日已經離開。不過我們希望離開前，可以食一餐美味嘅午餐及買到手信，證明我們團隊有嚟過。」