由陳百強（Danny）、張國榮、鍾保羅領銜主演，翁靜晶特別介紹的電影《喝采》是英皇集團主席楊受成投資的第一部電影，由蔡繼光執導，陳欣健監製，孫泳恩製片，鄭丹瑞及文雋編劇。闊別大銀幕43年，《喝采》4K數碼修復版重的慈善首映禮已於昨晚（25日）舉行。
翁靜晶憶述當年情景：「當時有鍾保羅、陳百強同張國榮，現在只剩我一個。當年喺片場我哋都嘻嘻哈哈。當時Danny大我幾歲，我只係15歲童工。海報上面嘅日落戲，導演當時只有五分鐘拍，但我哋覺得都係小朋友唔適合（拍接吻戲），所以同導演嘈咗一輪，結果Danny最後幾分鐘都肯錫咗我額頭一啖。」
提到《喝采》的男主角陳百強，楊受成指是為了紀念Danny才會做4K數碼修復版：「今日係佢死忌30年。本來我哋諗住趕到佢生忌，但係趕唔切。」楊生又大讚Danny及張國榮：「Danny仔係我認為見過嘅男仔之中，最靚仔係佢同張國榮，冇得頂！嗰種靚法好自然，兩個都好有天才。」 （編輯：游子欣）
翁靜晶在首映禮上憶述當年拍攝電影的點滴。（相關機構圖片）
（右起）楊受成與陳百強哥哥陳百靈及陳百強姊姊陳小儀合照。（相關機構圖片）
（左起）《喝采》編劇文雋、監製陳欣健及主題曲填詞鄭國江合照。（相關機構圖片）
（左起）電影《喝采》台前幕後陣容林迪安、Joe Junior、黃錦燊、陳欣健、翁靜晶、導演蔡繼光、文雋、鄭國江、雪梨及雷有輝。（相關機構圖片）
一眾英皇藝人齊出席首映禮。（相關機構圖片）
下載APP