Bobfather以歡笑振奮人心

林盛斌預告澳門站有互動有驚喜
12/11/2023
34179
收藏
分享
林盛斌預告澳門站有互動有驚喜
林盛斌預告澳門站有互動有驚喜
林盛斌預告澳門站有互動有驚喜
林盛斌預告澳門站有互動有驚喜
林盛斌預告澳門站有互動有驚喜
林盛斌預告澳門站有互動有驚喜
林盛斌預告澳門站有互動有驚喜
林盛斌預告澳門站有互動有驚喜
林盛斌預告澳門站有互動有驚喜
林盛斌預告澳門站有互動有驚喜

林盛斌(Bob)的棟篤笑將於12月9日巡迴到澳門舉行《The Bobfather 2023澳門站》。阿Bob的在2021年起在香港舉行《The Bobfather》,目的為令當時陷於疫情與經濟低迷的香港社會發放正能量,鼓勵當時的港人振作起來。日前親臨澳門受訪的他表示:「我梗係想早啲嚟澳門開《The Bobfather》,因為澳門對我嚟講係好有歸屬感同情意結,多年來經常來澳工作,平時也會帶仔女嚟玩,我身邊好多工作夥伴同生意拍檔都係澳門人,只係疫後澳門啲場地好搶手,我哋好唔容易先搵到倫敦人劇場呢度12月9日嘅場地。」

阿Bob表示在澳門站之前會先到內地、馬來西亞、英國及荷蘭開騷,汲取了經驗,每一場都會有進步,之後再來澳門便更得心應手。他又率先透露今次演出嘉賓方面會給澳門的觀眾一個大驚喜,暫時要保持神秘感。他說:「今次會多咗互動環節,有機會係我捉人上台,又或者我落去台下面⋯⋯又或者我响台上同台下嘅觀眾有交流,咁都幾好笑嘅。」他坦言有互動便有危險性,屆時要考驗自己的執生能力,目的只為令觀眾睇得開心暢快。

「今次我會刻意加入更多需要觀眾反思嘅元素入去,探討關於人生、生命及事業上幾個課題點樣再成功啲。同埋我最想帶出嘅係family,大概會有三分之一嘅內容,我會用嚟講我同我啲小朋友、太太嘅相處,我想話畀大家知嘅係,其實有咗家庭同小朋友,係會令自己人生更圓滿。家人之間的支持,嗰種力量好緊要,希望大家好好愛自己嘅屋企人。」

在忙於準備巡迴演出《The Bobfather》的同時,阿Bob亦受到不少網上騙徒冒認他教人投資,令他頓感無奈。已多次發出澄清聲明及已在港報警備案的阿Bob 嘆謂:「你知唔知勁到點?嗰啲騙徒攞咗我個聲明,放在自己嘅假平台,就話其他都係假嘅,佢係真嘅!啲騙徒真係有用過腦嘅。依家唯有見一個舉報一個,而家出面約有廿零卅個,我都响度澄清一下,我冇開過任何股票群組或投資班;只係幫過啲客戶拍投資廣告,我都唔係咩專家點教人呢?」(編輯:游子欣;場地提供:The Londoner Arena)

阿Bob 日前來澳接受訪問,談到 12 月 9 日在澳門舉行的《The Bobfather 2023澳門站》內容會有驚喜給觀眾。(相關機構圖片)

《The Bobfather》棟篤笑是阿Bob 在2021年時為香港人發放正能量而展開,至下月將巡迴到澳門站演出。(相關機構圖片)

阿 Bob 直言今次演出是少少鹹多多趣,所以仔女及太太將不會來澳睇騷。(相關機構圖片)

(右起)阿Bob 在東莞站與嘉賓陳山聰。(相關機構圖片)

(右起)阿Bob 在中山站與嘉賓袁偉豪。(相關機構圖片)

(右起)阿Bob 在馬來西亞站與嘉賓Shila茜拉。(相關機構圖片)

阿Bob 出名愛錫家人,日前更出帖公開為自己及屋企人買下骨灰龕位未雨綢繆。(圖:林盛斌 IG

阿Bob 多番被網絡騙徒利用肖像行騙,早前亦以法律聲明作澄清。(圖:林盛斌 IG)

檢舉
檢舉類型:
具體描述:
提交
取消
評論
發佈

力報會員可享用評論功能

註冊 / 登錄

查看更多評論
收藏
分享

相關新聞

推薦新聞

找不到相關內容

七日預報