同麥迪文做老友

由荷里活影星麥迪文（Matt Damon）、劉德華（華仔）主演，內地大導演張藝謀執導的新戲《長城》，將於本月29日在澳門正式上映。日前，華仔與張藝謀一齊出席電影首映禮。華仔以一身唐裝出場，即惹來大班粉絲不停尖叫。談到和麥迪文首度合作，華仔坦言比想像中更熟落，他笑言希望兩人再老友一些。

談到和麥迪文首度合作，劉德華坦言兩人比想像中更熟落。

華仔和張藝謀繼2004年的《十面埋伏》後，相隔12年再度合作，張藝謀大讚華仔多年來依然保持年輕，封他為「長春藤」。談及拍攝期間遇到的困難，華仔笑言是說英文對白，他說：「唔係唔識講英文，係戲入面要講古時嘅英文，發音同而家唔同，我講錯咗麥迪文會糾正我。佢喺現場有教我英文，我就講中國歷史畀佢聽。」

劉德華坦言新戲最難是要講古代英文對白。

同麥迪文交換經驗

問華仔平時和麥迪文在片場會交流些甚麼，他表示：「我哋有討論《無間道》同《無間道風雲》呢兩部電影，麥迪文係寫劇本出身嘅，我同佢都有自己嘅製作公司，我們有交換經驗，亦講咗好多生活中嘅趣事，喺拍攝過程佢畀咗好多有用嘅意見。」問到兩人是否十分老友？華仔說：「而家唔算老友，都想再Friend啲。」

進軍荷里活睇緣分

華仔坦言張藝謀花了很多心機拍攝，他說：「魔獸『饕餮』嘅英文介紹就有三頁紙，呢場戲足足拍咗四日。」問到會不會趁這次機會進軍荷里活？華仔說：「有人邀請劇本又啱嘅話，一定拍。」提及片中的魔獸「饕餮」造型，張藝謀表示花了很多時間打造：「構思了800個造型，花了八個月時間完成，華仔的角色就是研究怎樣打這隻怪獸。」

張藝謀和劉德華相隔12年再度合作，兩人現場互笠高帽。