日前，「歌神」張學友一連23場的世界巡迴演唱會來到尾場，吸引舒淇、楊千嬅、梁詠琪、林嘉欣及導演劉偉強等圈中名人入場朝聖。來到最後一場，張學友在台上十分感慨，他說：「當初都冇諗過做到，但做做下就完咗，當初揀歌都揀咗60幾首，如果唱完要唱到聽朝，但聽朝要交個場畀周杰倫。」
張學友一連23場巡迴演唱會圓滿結束。
在慶功宴上，張學友直言做四面台好辛苦，他說：「自從1995年後都冇做過四面台，自己都過咗半百，再唔做都冇得做，所以兩年前開始健身、練歌，現場有Fans叫我除衫，但我已經過咗除衫嘅階段。」23場演出全部結束後，學友坦言終於可以鬆一口氣：「之前已經喺內地做咗18場，所以冇咁易出錯。」
完成香港個唱後，張學友將前往內地繼續巡迴演出，
否認收山之作
完成這次個唱後，學友接下來將前往內地繼續巡迴演出，未有時間休息。問學友這次演唱會結束後，是否打算收山？他否認：「咁又未必，但開四面台就比較吃力，所以今次同自己講要做到最好，因為人係會衰退，體力會減，兩年後完咗巡迴都57歲，再等多五年再開都已經年過60歲，到時大家都唔想見到我咁辛苦。」
梁詠琪、楊千嬅等圈中好友紛紛入場支持張學友。
幫王菲打圓場
學友這次演唱會吸引大批圈中藝人入場朝聖，不少觀眾都大讚他水準依舊，更有人指學友將演唱會底線拉得太高。對此，學友表示：「其實做騷係同自己比較，而唔係互相比較。」被問到有人拿他和王菲演唱會比較，學友聽聞即謙虛打圓場：「咁比較唔係太公平，佢唱一場冇得操，我咁多場，係可以調整嘅。」
對於王菲遭網民質疑演唱實力，張學友出手打圓場。
下載APP