得獎感言被轟

現年67歲嘅美國女演員梅麗史翠普（Meryl Streep）獲頒「金球獎」終身成就獎，佢痛批當選美國總統特朗普（Donald Trump）嘅得獎感言，獲得一眾網民瘋傳。相反，英國男星湯赫度斯頓（Tom Hiddleston）嘅得獎感言卻遭網民炮轟。湯赫度斯頓憑英劇《夜班經理》獲封迷你劇視帝，當上台領獎時，佢講到早前去非洲蘇丹南部做義工嘅事：「當地做義工嘅無國界醫生，在轟炸和躲避中，一次將整套劇看完了，能夠為他們提供娛樂非常榮幸。」

梅麗史翠普獲頒終身成就獎，佢領獎時痛批當選美國總統嘅特朗普。

湯赫度斯頓嘅得獎感言遭網民瘋狂炮擊。

網民睇咗湯赫度斯頓嘅得獎感言後，紛紛炮轟佢「自我陶醉」，以及展現「白人優越感」。有人認為湯赫度斯頓係為咗展現佢套劇受歡迎，而唔係真心感激喺當地從事人道工作嘅義工。事後，湯赫度斯頓喺Facebook發文公開道歉，佢話：「在頒獎禮上的言論表達得不夠恰當，我當時非常緊張，所以有點詞不達意。我真心是想向那些從事人道工作的義工致敬，很抱歉被緊張感主導了我的表現。」