現年40歲嘅舒淇，去年9月同導演馮德倫喺捷克布拉格低調結婚，獲得大批網民祝福。有傳婚後舒淇好想生BB，事關佢嘅好姊妹林心如同林熙蕾都先後當媽，令舒淇亦母愛泛濫。噚日，有消息話舒淇懷有三個月身孕，上周仲同老公馮德倫飯後散步。報道話舒淇肚凸凸，馮德倫就一時搭膊頭、一時拖手，小心翼翼護住老婆。
舒淇同馮德倫自結婚以嚟，外界十分關注兩人何時「造人」成功。
報道話舒淇近來都好小心，連頭髮髮色都唔敢染，更推咗新戲《健忘村》嘅密集式宣傳活動，外出亦改著鬆身衫同平底鞋。對此，有媒體致電馮德倫確認，佢話：「唔係，唔係事實，多謝大家關心。」隨後，舒淇經理人否認傳聞：「都係流料，多謝關心。而家天氣凍，件衫厚啲，據我所知未懷孕。」此外，舒淇完成新戲宣傳後，會同老公一齊過農曆新年，之後再飛去各地繼續開工。
舒淇不時喺社交網站分享同小朋友互動嘅相。
下載APP