近期嘅人氣電影《星聲夢裡人》，先喺「金球獎」攞咗七個獎，令賴恩高斯寧同愛瑪史東成為金球影帝影后，破盡紀錄，之後電影再喺「奧斯卡」奪得14項提名，風頭可謂一時無倆。不過，近日就傳出呢套戲原本係由「妙麗」愛瑪屈臣同《鼓動真我》嘅米爾斯泰勒演出，由於兩人當時開出嘅條件太苛刻，所以導演先搵賴恩高斯寧同愛瑪史東頂上。電影爆紅後，就傳出愛瑪屈臣同米爾斯泰勒非常後悔。
「妙麗」愛瑪屈臣原本係《星聲夢裡人》嘅女主角。
日前，有報道指出《星聲夢裡人》嘅男、女主角，只係執二攤演出，原本嘅男、女主角其實係愛瑪屈臣同米爾斯泰勒。可惜愛瑪屈臣當初要求電影所有嘅彩排，都要喺倫敦進行，令到電影檔期難以遷就。至於米爾斯泰勒喺演出報酬方面，就要求由原本嘅400萬美元（約澳門幣3,200萬），加碼到600萬美元（約澳門幣4,800元）。有傳電影爆紅後，兩人都因為錯失機會，而怪責自己嘅經理人。
「鼓佬」米爾斯泰勒因片酬問題，所以推咗《星聲夢裡人》嘅演出。
下載APP