現年71歲嘅李家鼎（鼎爺），喺去年主持《阿爺廚房》後人氣急升，大獲好評。噚日，有周刊就訪問鼎爺，提到有網民提議，好想睇佢同楊思琦一齊合作做第二輯《阿爺廚房》時，鼎爺就話所有事都交由公司安排。雖然鼎爺勁大方無即時Say No，但佢之後就多補一句：「我相信公司唔會咁戇居！」
有傳李家鼎因拍《阿爺廚房》同譚玉瑛不和，不過佢就否認。
事實上，楊思琦正正係鼎爺仔仔李泳豪嘅前女友，兩人當年就隔空喺傳媒面前開火，勁有火藥味。鼎爺就話：「如果話唔想同思琦合作，啲人一定會話我小器。不過，就算我肯同思琦合作，都要睇佢肯唔肯啦！如果將來錄影，我一句掃過去，佢又未必落到台。我相信公司唔會咁戇居安排我哋合作嘅！」最後鼎爺強調同思琦冇仇，至於佢同仔仔嘅感情事，合則來不合則去。
李家鼎話就算佢肯合作，都要睇思琦肯唔肯。
下載APP