現年36歲嘅台灣女星蕭亞軒（Elva），喺2014年同台灣男星吳建豪嘅新加坡籍舅仔石正祥（Elroy）高調公開戀情，並不時喺Instagram大晒恩愛，更盛傳兩人已經去到談婚論嫁嘅階段。不過，早前Elroy突然取消「追蹤」Elva嘅Instagram，令兩人傳出「情變」。日前，有媒體大爆佢哋其實早喺半年前已經玩完。其後，Elva亦透過經理人公司承認已經分手。
蕭亞軒透過經理人公司承認同男友石正祥已經分手。
據台灣媒體報道，Elva同Elroy去年7月曾經互相取消Instagram嘅「追蹤」，更多次傳出分手傳聞，但Elva一直未有回應。報道話當時兩人陷入冷戰中，雖然後來有復合過，但最終都係因為個性唔夾，結束咗將近兩年嘅戀情。消息傳出後，Elva透過經理人公司承認分手，佢話：「我們目前回到好朋友的關係，仍然會認真工作和生活，謝謝大家關心。」
蕭亞軒同石正祥公開戀情後，不時喺Instagram大晒恩愛。
下載APP