由成龍、李治廷主演、唐季禮執導嘅新戲《功夫瑜伽》於印度拍攝外景，並有大量印度演員參與演出。電影於農曆大年初一喺內地上映大收旺場。截止日前，票房已累積超過人民幣13億，氣勢強勁。雖然套戲喺內地大受歡迎，但喺印度就反應麻麻，開畫日只收盧比4,000萬（約澳門幣460萬），有報道話票房不濟嘅原因，係因為電影貶低印度文化，惹嚟當地人強烈不滿。
成龍嘅新戲喺內地大受歡迎，但印度嘅反應就麻麻。
根據美國電影網站《The Hollywood Reporter》報道，電影《功夫瑜伽》呈現嘅印度文化過於膚淺，惹嚟當地傳媒瘋狂炮轟。印度網站《The Wire》批評電影展現嘅印度文化太流於表面，及將印度人定型，有貶低印度文化之嫌。至於電影劇情就似坐過山車，亂七八糟。而另一印度報章《The Indian Express》就批評影片太過沉悶，仲話戲名有欺騙成分，因為劇情只得功夫冇瑜伽。
《功夫瑜伽》於印度拍攝外景，並有大量印度演員參與演出。
下載APP